Абайдың 180 жылдығы – ұлт руханиятының ұлы мерекесі
Биыл данышпан-ойшыл, қазақ жазба әдебиетінің негізін қалаушы және саяси қайраткер Абай Құнанбайұлының туғанына 180 жыл толады (1845 - 1904).
Абай – дана, Абай – дара!
Ақын қазақ халқының болмысын шынайы көрсеткен шығармалары адал еңбек, таза жүрек, қажымас қайрат, даналық, ақыл сияқты тақырыптарға негізделген. Ұлтты тоздыратын нәрсе – өтірік, ұрлық, тамағы тоқтық, жұмысы жоқтық. Абай айтқан ұрлық, өтірік ол бүгіндегі – алаяқтық, жемқорлық пен көзбояушылық.
Адалдық ол – тазалық, сенім, парасат, ынсап, ар, ұят, есеп, жауапкершілік. Жамандыққа күйзеліп, адалдық сөзінің мәнін ашатын ұғымдардың барлығы дерлік Абайдың шығармаларынан орын алған.
