Мемлекет басшысы Қасым-Жомарт Кемелұлы Тоқаев жаңа бағыттардан тұратын халыққа алғашқы Жолдауын жолдады.  Егеменді еліміздің  және халықтың игілігін көздейтін жаңа Жолдаудан жаңа үміттер күтіп, ерекше ризашылықпен тыңдадық.

Президент еліміздің  болашақ саяси жүйесінің моделін айқындады.  Бұл  басқарудағы жаңа жүйе -  қисынды қадам, ұлт саясатының белсенді іске асуы және халықтың әл-ауқатының өсуінің , тұрмыс сапасының артуының  негізі болмақ. Себебі мемлекет басшысы халық алдындағы айтқан барлық  алдына қойған мақсаттардың орындалатынын нықтап айтты.

Жолдауда балаға , әйел-аналарға, жеке тұлғаларға көрсетілген зорлық-зомбылыққа қарсы күресте ауыр қылмыстар үшін жазаны қатаңдату туралы   қабылдаған нақты шешім, қарапайым халықтың әлеуметтік қорғалуын қамтамасыз ететінін көрсетті.  Бұл - мемлекет басшысының халыққа деген шынайы қамқорлығының көрінісі.

Әр халықтың басты байлығы , баға жетпес қазынасы – ана тілі. Ұлтаралық келісім өзара жарасымдық тапқан, тату елімізде  ана тіліміздің мәртебесінің жоғары екенін, аса маңызды екенін Жолдауда баса айтқаны жүрекке жылы тиді. Тәуелсіздіктің рухын асқақтатқан тіл мәртебесінің биіктігі  - бұл әр қазақтың  ар-ожданы мен  рухының биіктігі. 

Президенттің Жолдауда көрсеткен барлық мақсаты  жемісті жүзеге асырылып, Қазақстан халқының табыспен өркендей беруіне тілектеспін.

Балқаш қаласы

ЖББ 24 орта мектеп директоры

Есжанова М.С