3 және 5-сынып оқушыларын Бірыңғай «Жас Қыран» және «Жас Ұлан» балалар мен жасөспірімдер ұйымы Республикалық Қоғамдық Бірлестігінің қатарына қабылдау рәсімі

24 қазан күні Қазақстан Республикасы күніне орай Әлімхан Ермеков атындағы мектеп-лицейінде 3 және 5-сынып оқушыларын Бірыңғай «Жас Қыран» және «Жас Ұлан» балалар мен жасөспірімдер ұйымы Республикалық Қоғамдық Бірлестігінің қатарына қабылдау рәсімі өтті. Аталған ұйымдарға қабылданған оқушылар білімге құштар, өзін-өзі жетілдіруге үнемі ұмтылатын, өршіл, қайсар етіп тәрбиелеуді, дәстүрімізді, ұлттық және жалпы адамзаттық құндылықтарымызды қастерлейтін рухани дүниесі кең тұлғаны қалыптастыруды көздейтін тұлғалар ретінде ұйымға мүше болуға ант қабылдады. Осындай мерекемен жас жеткіншектерді директордың бейіндік оқыту жөніндегі орынбасары С.А.Осемляк, тәрбие ісі жөніндегі орынбасары Б.Е.Рахишева құттықтап, әрқашан білімге ұмтылып, ел мүддесі үшін еңбек етуге бар күш-жігерін салуларын тіледі. Оқу, мәдениет, спорт салаларында түрлі жетістіктерге жеткен жоғары сынып оқушылары 3 және 5 сынып оқушыларына «Жас Ұлан» және «Жас Қыран» галстуктары мен белгішелерін тағу рәсімін өткізді.