Ақпарат

1 қазан – халықаралық қарттар күніне орай «Інжу» шағын орталығында, «Балдәурен» ересек тобында ұйымдастырылған тәрбие сағаты өтті. Тәрбие сағатының тақырыбы – «Қарттарым – асыл қазынам». Тәрбие сағатының мақсаты: балалардың бойына халқымыздың қадір-қасиетін сіңіру, үлкенді сыйлай білуге, өз ата-бабасын ұмытпай есте сақтауға және аталы сөзден ғибрат алуға тәрбиелеу. Ұйымдастырылған іс-әрекет кезінде «Әжемнің өрнектері» тапсырмасы берілді. Тапсырманың мақсаты: қазақтың ұлттық ою-өрнектерімен таныстыру, түстерді ажыратуға үйрету, ұқыптылыққа тәрбиелеу. Балалар өте белсенді болды. Өз ата-әжелері туралы әңгімеледі. Берілген тапсырманы қызығушылықпен орындады.