"Рухани жаңғыру" бағдарламасын жүзеге асыру мақсатында тәрбиеленушілердің ата-аналарына және "Айжайдак"бекет тұрғындарына арналған концерттік бағдарламамен интернат тәрбиеленушілері мен педагогтары мамыр айының 19 күні іс сапарға аттанды.
![](/media/img/journal/5b0288e3bb781.jpg)
Балқаш қаласы ЖББ 24 орта мектебінің мектеп жанындағы интернаттың жылдық жоспарына сай "Рухани жаңғыру" бағдарламасын жүзеге асыру мақсатында тәрбиеленушілердің ата-аналарына және "Айжайдак"бекет тұрғындарына арналған концерттік бағдарламамен интернат тәрбиеленушілері мен педагогтары мамыр айының 19 күні іс сапарға аттанды . Сапар барысында жоспар бойынша ата -аналармен жиналыс ұйымдастырылып, жиналыста директордың тәрбие ісі жөніндегі орынбасары А.К.Мусина " Рухани жаңғыру - білім мен тәрбие кепілі" тақырыбында ақпарат бере отырып , бағдарлама аясында жүзеге асырылып жатқан іс- шараларға тоқталды. Екінші сөз кезегін интернат меңгерушісінің м.а. Г.Ашембекова алып, интернат қызметі мен оқушылардың білім сапасы және жетістіктері жайлы толық ақпарат берді. Сонымен қатар мектеп психологы Г.М.Кулымжанова ата -аналар қауымымен тренингтік жаттығулар өткізіп, жағдаяттық сұрақтар қоя отырып, бала тәрбиесіне қатысты ақыл-кеңестер берді. Бір күндік сапар оқушылардың "Отаным-тағдырым" бағытын жүзеге асыруда ұйымдастырған "Ел жүрегі -Астана " атты концерттік бағдарламасымен жалғасын тапты. Интернат тәрбиеленушілері республикалық қашықтықтан өткізілген жас ақындар сайысының 1,2 орын жүлдегерлері Төлеухан Ерасыл мен Қайратов Мирастың шығарған өлең шумақтарымен концерт шымылдығын ашып , әуезді әндер және шымшыма әзіл қойылымдармен жалғасты. Сондай ақ , мектебіміздің түлегі Жұбатқан Иранғайыпта өзінің үлесін қосып , аспапта музыкалық композиция ойнау арқылы өнерімен бекет тұрғындарын тәнті етті. Тағы бір игі істің бастауы бекет маңына ата -аналармен бірлесіп тал отырғызып , ауыл ақсақалдарының батасын алдық.