№9 жалпы білім беретін мектебінің 2024-2025 оқу жылының «Мектебім -мейірім мекені» атты салтанатты жиынның ақпараты

Жалпы білім беретін №9 мектебінде 1 қыркүйек – Білім күнін және «Мектебім -мейірім мекені» тақырыбында салтанатты жиын өтті. Салтанатты жиынға Балқаш қаласы білім бөлімінің әдіскері Айнабекова К.Қ, Балқаш қаласы Рота командирі полиция капитаны Бидайбеков Д.Н. қатысты. Мерекелік жиында мектеп директоры Д.Жолдасова бүлдіршіндерді құттықтау сөзімен бастап, өткен оқу жылының жетістіктеріне тоқталды. Мектеп табылдырығын аттағалы тұрған жас бүлдіршіндер өлеңдерін оқып, өнерлерін көрсетті. Алғаш мектеп ұясына енгелі отырған бүлдіршіндерімізге қадамдарыңа гүл бітсін, талаптарың оң болсын! Мемлекетіміздің келешегі – өздеріңіз! Бүгінгі жастар –еліміздің ертеңі, ұлтымыздың болашағы деген үмітпен алтын ұя мектебіміздің табалдырығын аттады.