Ақпарат

2025 жылдың 5 қаңтарында қысқы мектеп аясында облыстық химия пәні мұғалімдерінің қатысуымен функционалдық сауаттылыққа арналған тапсырмаларды талдау бойынша Zoom форматында онлайн семинар өтті. Бұл шарада мектебіміздің химия пәнінің мұғалімі Аханова Гульнар Кынаровна «Күнделікті өмірде қолданылатын заттарға байланысты функционалдық сауаттылыққа арналған тапсырмалар» тақырыбында баяндама жасап, өз сабақтарында қолданып жүрген тиімді әдістерімен бөлісті. Ол функционалдық сауаттылықты дамытуға бағытталған тапсырмаларды қолдану тәжірибесімен бөлісіп, білім алушылардың ғылыми ойлау дағдыларын жетілдіру жолдарына тоқталды. Семинар барысында химия пәнін оқытуда функционалдық сауаттылықты дамытуға арналған заманауи әдістер қарастырылып, тәжірибелік тапсырмалар талқыланды. Қатысушылар пәндік құзыреттілікті арттыру жолдары туралы пікір алмасып, өзара тәжірибе бөлісті. Бұл іс-шара мұғалімдердің кәсіби дамуына ықпал етіп, білім беру сапасын жақсартуға бағытталған маңызды алаңға айналды.