кәсіби бағдар беру жұмысының мақсаты мен міндеттері

Дата: 2020-01-30 16:14:24

Жалпы білім беретін мекемелердегі кәсіби бағдар беру жұмысының  мақсаты мен міндеттері

Кәсіби бағдар берудің негізгі мақсаты – Оқушылардың мамандық таңдау үдерісінде тұлғаның қызығушылығы мен қабілетін еңбек нарығындағы қажеттіліктерді ескере отырып оңтайландыру. Оқушыларды,ата-аналарды мамандық бойынша  керекті мәліметтер және  ақпараттармен қамтамасыз ету.

Міндеттері:

  • Жас ерекшеліктеріне сәйкес оқудың барлық кезеңдерінде оқушыларды кәсіби ақпараттандырудың жүйелілігі.
  • Оқушылар саналы түрде таңдау жасауы үшін оқу бағыты мен болашақ мамандығының қызметі аясында жағдай жасау.
    • Оқушыларға ақыл-кеңес беріп, кәсіби таңдауларына сәйкес жеке психофизиологиялық ерекшеліктерін ескеріп, денсаулықтарына байланысты, аймақтағы мамандарға сұраныстың қажеттілігін негізге алып мамандық таңдау жұмыстарын ұйымдастыру;
    • Кәсіби білім беруде мекемелерімен бірлесіп бағыт беру алдындағы, кәсіби бағыт беру жұмыстарын ұйымдастыру;
    • Кәсіби бағдар беруді оқу бағдарламасына, оқу-тәрбие үдерісіне енгізу.

Мектептегі кәсіби бағыттар жұмысының мазмұны

  • Мектептегі кәсіби бағдар беру жұмысы жөніндегі ережені зерттеп дайындау;
  • Бұйрық бойынша  кәсіби бағдар беру жұмысына жауаптыларды тағайындау;
  • Аймақтағы қажеттіліктер мен мекемелер (мектептер) бағытын ескере отырып кәсіби бағдар беру кабинеттерін безендіру;
  • Кәсіби бағдар беру бойынша сынып сағаттарының тізімін әзірлеу;
  • Кәсіби бағдар беру қызметіндегі әлеуметтік серіктестіктердің тізімін құрастыру;
  • «Мамандық үздігі» атты конкурс өткізу;

 

 

 

 

 

 

 

 

 

 

Бағыттары

Мектеп оқушыларының жас ерекшеліктерін ескере отырып ұйымдастырылған кәсіби бағдар беру жұмыстары

1-4 сыныптар

  • Бұл кезеңде бастауыш сынып оқушыларының еңбекке деген құнды ой пікірлері қалыптасып, мамандықтың қоғам және адам өміріндегі маңызын түсінеді, оқу – танымдық қызығушылықтары дамып, балалар әр түрлі мазмұндағы іс шараларға қатысады.

5-7 сыныптар 

  • Оқушылардың жеке тұлға ретінде кәсіби қызметке деген қызығушылықтарының дамуы өзіндік «мен» қалыптастыру техника, өнер, медицина, ауыл шаруашылығы экономика, мәдениет тәрізді әр алуан салалардағы әлеуметтік – кәсіби тәжірбиенің алғашқы жетістіктері, олардың жеке мүмкіндіктері мен талаптарын ашуға мүмкіндік беретін кәсіби сынамалардың орындалуы жатады.

8-9 сыныптар

  • Факультативтік сабақтар мен элективті курстар негізінде білім саласындағы сұраныстарлы анықтау. Бағыт таңдауда көмек көрсету мақсатында топтық және жеке түрдегі кеңестер беру жұмыстары жатады.

10-11 сыныптар

  • Өзіндік дайындық және өзін –өзі дамыту әрекеттері бойынша оқыту. Таңдаулы еңбек түріне деген кәсіби сапаның қалыптасуы, кәсіп туралы жоспарға өзгертулер мен толықтырулар енгізу, Таңдалған қызмет түріне дайындық жасау.  

Кәсіби бағдар бойынша тест тапсыру үшін ұсынылатын сайттар

www.bilimal.kz

www.proforientato.ru

www.abitura7.net/trud.ph.ru

www.abitura.net/spisok.php

Автор: №7 МГ