9.11.2022ж«Өнегелі өмір» тақырыбында «Кәусар бұлақ» жас журналистер клубының ұйымдастыруымен мектеп оқушылары мектебіміздің түлегі, ақын, журналист, «Балқаш өңірі» газетінің редакторы– Аманқұлов Қуаныш Сағынтайұлымен кездесті. Іс-шараны «Кәусар бұлақ»
Date: 2022-12-20 14:43:03
9.11.2022ж«Өнегелі өмір» тақырыбында «Кәусар бұлақ» жас журналистер клубының ұйымдастыруымен мектеп оқушылары мектебіміздің түлегі, ақын, журналист, «Балқаш өңірі» газетінің редакторы– Аманқұлов Қуаныш Сағынтайұлымен кездесті.
Іс-шараны «Кәусар бұлақ» жас журналистер клубының жетекшісі Мақпал Сағатбекқызы жүргізді. Кездесу барысында Қуаныш Сағынтайұлы өмір жолына тоқталып, шығармашылығы жайлы мәліметтерді ортаға салды.
Сонымен қатар, әңгіме барысында тәлім-тәрбиеге толы мысалдар келтіріліп, оқушыларға рухани азық боларлық дүниелер қозғалды. Ақындықтың қырының қыр-сыры айтылып, поэзия туралы терең әңгімелер өрбіді. Сұхбат барысында ақын өзінің өмір жолынан, өзінің оқушы болған балалық шағынан түрлі мысалдарды ортаға салып, оқушыларға әсерлі әңгіме айтты.
Сондай-ақ, оқушылар, клуб мүшелері тарапынан да ақынға шығармашылығы, мамандығы және поэзия туралы сұрақтар қойылып, оған лайықты жауаптар қайтарылды. Әрі қарай ақын ортаны өлеңмен өрнектеді. Кездесу соңында ақынмен естелікке суретке түсу рәсімін жасады..
