JQE boıynsha Aksıa "Biz erejeler boıynsha ómir súremiz!»

JQE boıynsha аksıa

"Biz erejeler boıynsha ómir súremiz!»

Balalar - bul ár adamnyń ómirindegi eń qundy jáne qymbat nárse. Jol qozǵalysy erejelerin saqtamaý kezindegi balalardyń jaraqattanýy qazirgi kezdegi eń aýyr máselelerdiń biri bolyp qala beredi. Jyl saıyn joldarda balalar men jasóspirimderdiń qatysýymen on myńdaǵan jol-kólik oqıǵalary oryn alady. Balalardy avtokólikpen tasymaldaý júrgizýshiniń jeke isi emes. Jolǵa shyqqan kezde ol jol qozǵalysynyń qatysýshysy bolady, sondyqtan tótenshe jaǵdaılardy boldyrmaý úshin ol belgilengen erejelerdi oryndaýǵa mindetti. Balalardy avtokólikpen tasymaldaý kezinde ata-analar kishkentaı jolaýshynyń qaýipsizdigi týraly qamqorlyq jasaýy kerek. Balalardy tasymaldaýǵa arnalǵan avtokólik kreslosy-bul JKO jaǵdaıynda jolaýshynyń ómirin saqtap qalýǵa qabiletti qajetti atrıbýt.

Jol erejelerin bilý jáne saqtaý balalardyń joldardaǵy qaýipsiz minez-qulqyn qalyptastyrýǵa kómektesedi. Jol-kólik oqıǵalarynyń sebebi kóbinese balalar men eresekterdiń Jol erejeleriniń qarapaıym negizderin bilmeýi bolyp tabylady. Bul oqıǵalardy balany erte jastan bastap tıisti tárbıeleý jáne oqytý arqyly ǵana boldyrmaýǵa bolady. Balany joldaǵy qaýipsiz minez-qulyqqa baýlý júıeli jáne dáıekti bolýy tıis.

Maqsaty:

Balalardyń jol jaraqattary problemalaryna qoǵamnyń nazaryn aýdarý.

Mindet:

Jol qozǵalysynyń barlyq qatysýshylarynyń mádenıetin, ózara qurmetin, jol etıketin tárbıeleý.

Qatysýshylar: "Balqash qalasynyń № 4 JBBOM" KMM JJI jasaǵy, 8 V synyp oqýshylary.

2020 jylǵy 14 qazanda JJI jasaǵy aksıa aıasynda jol qozǵalysy erejelerin saqtaý týraly eske sala otyryp, avtokólik júrgizýshilerine, jaıaý júrginshilerge paraqshalar taratty.