Балқаш қаласының білім саласының ардагерлерімен кездесуінің АҚПАРАТЫ

16.09.2015ж. күні мектебіміздің «Мәжіліс залында» Балқаш қаласының білім саласының ардагерлерімен  кездесу өтті. Кездесуге Балқаш қаласының білім саласының ардагер ұстаздары,  «Нұр Отан» партиясының Балқаш қалалық филиалы Төрағасының бірінші орынбасары Бибігүл Мәжитқызы Секербекова, Балқаш қаласының Білім бөлімі басшысының орынбасары Айдос Каргулович Куанышбаев, Сыздыкова Шайзада Рыскуловна, Шведова Раиса Сергеевна, Цыганюк Николай Ивановичтер сияқты ардагер ұстаздар қатысты.

Мақсаты:Оқушыларды ұстаз еңбегін әрқашан бағалай білуге үйрету. Балқаш қаласының ардагер ұстаздарына мектеп- лицей тынысын көрсету.

Кездесу оқушылардың шығармашылық концерттік бағдарламасынан басталып, мектеп-лицей ішіне саяхатпен жалғасты. «Жас Ұлан» үгіт -насихат тобы бірінші қабаттағы «Туған өлкем – неткен көркем» залындағы Қазақстанның көркем табиғатты жерлерімен таныстырды. Сонымен қатар, «Ұлттық орталық», «Тәуелсіздік тағылым орталығы», шахмат оқу бөлмелеріне, ғылыми – әдістемелік орталыққа, «Бабалар залы», «Жетістіктер галлереясын» тамашалап, «Таңшуақ» шағын орталығына өтті. Ардагер ұстаздар мектеп-лицейдің бір күндік тыныс-тіршілігін көріп  әсер алып кетсе, ал оқушылар ардагер ұстаздарға құрметкөрсетті.