15.12.2020 күні Қазақстан Республикасының Тәуелсіздігі күніне орай, қазақ халқының азаттық жолындағы күрестің алдаспаны болған аяулы тұлға, аса көрнекті мемлекет және қоғам қайраткері, Алаш қозғалысының көсемі Әлихан Нұрмұхамедұлы Бөкейхановқа арналған е
✅ 15.12.2020 күні Қазақстан Республикасының Тәуелсіздігі күніне орай, қазақ халқының азаттық жолындағы күрестің алдаспаны болған аяулы тұлға, аса көрнекті мемлекет және қоғам қайраткері, Алаш қозғалысының көсемі Әлихан Нұрмұхамедұлы Бөкейхановқа арналған ескерткіш-бюсттің салтанатты ашылу рәсімі өтті.
Салтанатты ашылу рәсімінде қала әкімі Ораз Қайсаұлы Тәуірбеков атаулы мерекесімен құттықтап, Ұлт көсемі Әлихан Нұрмұхамедұлы Бөкейхановқа арналған ескерткіш – бюстті ашты.
«Әлихан Бөкейханов» қоғамдық қорының жетекшісі Махмұт Сәдуақасұлы Жарылғап «Қыр баласы»-Ұлт көсемі алты алаштың болашағы жарқын екенін, дара жолын жас ұрпаққа үлгі ете отырып, жұртшылықты құттықтады.
Әлихан Бөкейхановтай ұлт арысы атанған дара тұлғаның, айшықты есімін бүгінгі жас ұрпақ, абыроймен арқалап жүретін рухы биік, өресі кең болатындығына сеніміміз мол. Осы орайда Әлихан Бөкейханов атындағы №15 мектеп – лицейінің оқушысы Әлихан Ибраимов “Әлиханға арнауын” жолдап, тыңдармандарды рухтандырды.
Салтанатты рәсімде осы іс-шараға қолдау көрсеткен, рухы мықты, елінің жанашыр атымтай жомарты, жеке кәсіпкер Қасымбеков Серік Төлегенұлы «Әлихан Бөкейханов» қорының №1 медалімен және Әлихан ізін жалғастырушы, «Туған елге тағзым» және «Әлихантану» жобасына белсенді қатысып, іздену-зерттеушілік қабілетімен дараланған жас дарын, 8 «А» сынып оқушысы Ибраимов Әлихан «Әлихан Бөкейханов» қорының №2 медалімен марапатталды.
Жаңа ғасырда қайта түлеген, жасарып, түрленген еліміздің тәуелсіздігі тұғырлы болғай!
Дата: 19.12.2020, 9:22 Автор: Әлихан Бөкейханов атындағы №15 мектеп - лицейі
