МСҚ-на 2019 жылдың тамыз айында 9 млрд теңгеден астам жарна түсті

МСҚ-на 2019 жылдың тамыз айында 9 млрд теңгеден астам жарна түсті

2019 жылдың 1-31 тамызы аралығында «Әлеуметтік медициналық сақтандыру қорына» түскен қаржы көлемі 9,3 млрд теңге болды.

Жүйе іске қосылған 2017 жылдың 1 шілдесі мен 2019 жылдың 31 тамызы аралығында жұмыс берушілер мен жекеменшік кәсіпкерлерден міндетті әлеуметтік медициналық сақтандыруға түскен жарнаның жалпы сомасы 205,1 млрд теңгені құрады.

Оның 196,2 млрд теңгесі (шамамен 95,6%) жұмыс берушілердің аударымдары болса, қалған 8,9 млрд теңге (4,4% жуығы) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.
Аймақтық тұрғыдан алғанда, жарна төлеу жағынан бұрынғыша Алматы, Нұр-Сұлтан қалалары мен Қарағанды облысы көш бастап тұр.

Жинақталған қаржы Ұлттық банкте сақталады. Болашақта МӘМС пакеті шеңберіндегі қызметтер ақысын төлеуге жұмсалады. Еліміздің бас банкімен қаржыны сенімгерлік басқару туралы келісім бекітілген.