“Бауыржан Момышұлы атындағы жалпы білім беретін мектебі” КММ-інде 1-сынып оқушыларының мектепке, оқуға бейімділік деңгейін бақылау мақсатында мектеп психологы Абдуалиева З.Н. жұмыстар жүргізді.
Бірінші сынып оқушылары мектепке әлеуметтік бейімделуі қиын, себебі мектептің ішкі тәртібіне бағынышты, мектептің мінез-құлық нормаларын игерген, мектеп міндеттері мойындайтын жеке тұлғалық қасиеттері әлі толық қалыптаспаған болып шығады. Баланың мектепке, оқуға деген қарым-қатынас негізі сол уақытта, дәл сол 1-сыныпта қаланады. Сондықтан, оқушылардың сабақ барысындағы оқу әрекеті мен мінез-құлқы бақыланды. Керн-Йерасек тесті алынып, оқуға дайындықтары анықталды. Сонымен қатар, баланың жасерекшелігіне сәйкес ойындар мен психологиялық тренинг жаттығулары жүргізілді. Оқушылар тренинг жаттығуларына қызығушылықпен қатысып, мектепке жағымды көңіл-күйде екендіктері байқалды.