«Адал азамат – біртұтас тәрбие» бағдарламасы аясында 6 «Б» сыныбында ата-аналар жиналысы өтті «Адал азамат – біртұтас тәрбие» бағдарламасы аясында 6 «Б» сыныбында ата-аналар жиналысы ұйымдастырылды. Жиналыстың негізгі мақсаты – ата-аналармен тығыз байланы
«Адал азамат – біртұтас тәрбие» бағдарламасы аясында 6 «Б» сыныбында ата-аналар жиналысы өтті
«Адал азамат – біртұтас тәрбие» бағдарламасы аясында 6 «Б» сыныбында ата-аналар жиналысы ұйымдастырылды.
Жиналыстың негізгі мақсаты – ата-аналармен тығыз байланыс орнату, оқушылардың оқу үлгерімі мен тәрбиесіне қатысты мәселелерді талқылау, жасөспірімдер арасындағы өзекті мәселелердің алдын алу және бала қауіпсіздігін қамтамасыз ету.
Жиналыс барысында төмендегі мәселелер қарастырылды:
І тоқсан қорытындысы. Оқушылардың оқу үлгерімі мен білім сапасына талдау жасалып, пәндер бойынша жетістіктері мен олқылықтары талқыланды. Білім сапасын арттыру жолдары мен ата-аналардың оқу үдерісіндегі рөлі туралы айтылды.
Жасөспірімдер арасындағы нашақорлықтың алдын алу. Нашақорлықтың адам денсаулығына, болашағына тигізетін зияны түсіндіріліп, балаларды зиянды әдеттерден аулақ болуға тәрбиелеу, олардың бос уақытын тиімді ұйымдастыру және ата-ана бақылауын күшейту мәселелері сөз болды.
Кәмелетке толмағандардың суицидтік мінез-құлқының алдын алу. Жасөспірімдердің психологиялық жағдайына назар аудару, бала бойындағы мінез-құлық өзгерістерін дер кезінде байқау, қиын жағдайда қолдау көрсету және ата-ана мен бала арасындағы сенімді қарым-қатынасты қалыптастырудың маңыздылығы түсіндірілді.
«Зорлық-зомбылықсыз балалық шақ». Балалардың құқықтарын қорғау, отбасындағы және мектептегі зорлық-зомбылықтың алдын алу, балаға мейірім мен қамқорлық көрсету, қауіпсіз орта қалыптастыру мәселелері кеңінен қозғалды.
Жиналыс соңында ата-аналарға балалардың тәрбиесі мен қауіпсіздігіне жауапкершілікпен қарау, баламен үнемі ашық сөйлесу, оның көңіл күйі мен ортасына назар аудару, мектеппен тығыз байланыста болу жөнінде ұсыныстар берілді.
Қорытынды: Бала тәрбиесі – мектеп пен ата-ананың ортақ міндеті. Бірлесе атқарылған жұмыс қана саналы, білімді, тәрбиелі әрі қауіпсіз ортада өсіп келе жатқан ұрпақ қалыптастыруға негіз болады
