Кәсіби таңдаудың үш киті: Қалаймын. Мүмкін. Қажет

2025 жыл Президент Қасым-Жомарт Тоқаевтың Жарлығымен «Жұмысшы мамандықтар жылы» деп жарияланды – бұл экономикалық тұрақтылық пен әлеуметтік прогрестің негізгі факторы ретінде жұмысшы мамандықтардың рөлін нығайтудағы стратегиялық қадам. Бұл шешім елдің тұрақты өсуі мен инновациялық дамуын қамтамасыз етуде шешуші рөл атқаратын білікті мамандарды дамытудың маңыздылығын көрсетеді.

20.02.2025 жылы Балқаш қаласының «№ 10 ЖББМ» КММ-де «Мамандықты дұрыс таңдау-ертеңгі күннің кепілі» кәсіптік бағдар беру бойынша ашық есік күні өткізілді. Кәсіптік бағдар беру күні аясында мектепте «Кәсіби таңдаудың үш киті: Қалаймын. Мүмкін. Қажет» Балқаш қаласындағы колледж оқытушылары мен студенттерінің қатысуымен мастер-класс ұйымдастырылды.

ТЖ жөніндегі директордың орынбасары Л.В. Кириченко кәсіби бағыттағы рекреацияны ресімдеу туралы айтып берді. «Дұрыс таңдау жаса» стендіне толығырақ тоқталды. Балқаш қаласы және Қарағанды қаласы колледждерінің ұсынылған фотосуреттерінде оқу орнының коды көрсетілген. Сканерлеу бағдарламасының көмегімен кез-келген адам колледж туралы ақпаратты біле алады. Бұдан әрі колледждердегі кәсіптік сынамалар мектебіне оқушылардың келуі, сондай-ақ Қазақстан қалаларының жоғары оқу орындарының оқытушыларымен кездесулер өткізу туралы фотосуреттермен экспозициясы ұсынылды.

«Қазақмыс» корпорациясы политехникалық колледжінің студенттері колледжде оқытылатын және қаламызға қажет мамандықтар туралы айтып берді. Студенттер колледждің «Жұмысшы мамандықтар қаласы» республикалық фестиваліне қатысқаны туралы бейнеролик көрсетті. «Қазақмыс» корпорациясының Балқаш политехникалық колледжі кенді өңдеудің негізгі кезеңдерін көрсететін жаттығу қондырғыларын ұсынды: ұсақтау, флотация, балқыту және мысты электролиздеу. Бұл қондырғыларда колледж студенттері әлемдегі ең таза мыс қалай жасалатынын көрсетті. Студенттер іс-шараға қатысқан мектеп оқушыларын политехникалық колледжге түсуге және жұмысшы әулеттерін жалғастыруға шақырды.