Құрметті ата-аналар мен мұғалімдер!

Қарағанды облысының білім басқармасы "Білімал" кешенінің жүйелеріндегі техникалық проблемаларға қатысты келесіні хабарлайды.

Өткен оқу жылында шетелдік оқыту мониторингі жүйелері қолданылды. Бұл жүйелердің негізгі кемшіліктері-нәтижелер мен оқу барысын талдаудың мүмкін еместігі.

Қашықтықтан оқытудың үздік тәжірибесін зерделеп, "Білімал" жүйелер кешенін әзірлеуші компания оларды қолда бар жүйелерге біріктірді. ҚР-да деректерді сақтауға басымдық беріледі, соның арқасында білім беру процесіне қатысушыларда ақылы трафик туындамайды.

Облыс мектептері бұл жүйенің 2010 жылдан бастап мектептерде енгізілген электронды журналмен байланысты екенін ескере отырып, осы жүйені пайдалануға шешім қабылдады. Тамыз айында жүйеде сынақ сабақтары өткізілді, нәтижесінде жүйе өзін тиімді көрсетті.

Бүгінгі таңда жүйе тұрақсыз жұмыс істейді, себебі жүйеге мұғалімдер мен оқушылардың мәтіндік және мультимедиялық файлдары түріндегі ақпараттың үлкен көлемі (100 гб-тан астам ақпарат) жүктелген.

Әзірлеушілер қазіргі уақытта жүйені пайдаланушылар жариялаған ақпарат көлемін бақылау мәселесімен айналысуда, өйткені мұндай жұмыс отандық тәжірибеде алғаш рет жасалып, жүйені оңтайландыру бойынша жұмыстар жүргізілуде.

Оқу процесінің үздіксіздігін қамтамасыз ету үшін білім басқармасы мектептерге өткен оқу жылының төртінші тоқсанында пайдаланған баламалы жүйелерді пайдалануды ұсынды.