«Күншуақ» лагері оқушылары Оқушылар сарайында шығармашылық сабаққа қатысты

«Күншуақ» жазғы лагерінің оқушылары Оқушылар сарайына барып, қызықты әрі танымдық шығармашылық сабаққа қатысты. Сабақ барысында балалар қолөнер өнерінің қыр-сырын меңгеріп, қағаздан түрлі әсем бұйымдар жасауды үйренді.

Оқушылар бейненұсқаулықты мұқият қарап, қағазды бүктеу тәсілдерін пайдалана отырып, жүрекше және басқа да сәндік бұйымдарды дайындады. Әр бала өз қиялын іске асырып, шығармашылық қабілеттерін дамытуға мүмкіндік алды.

Жұмыс барысында оқушылар ұқыптылық, шыдамдылық және дәлдік танытып, өз қолдарымен жасаған туындыларын ерекше мақтанышпен таныстырды. Сабақ балалардың шығармашылық ойлауын дамытып қана қоймай, олардың өнерге деген қызығушылығын арттырды.

Осындай қызықты шаралар оқушылардың бос уақытын тиімді ұйымдастырып, жаңа дағдыларды меңгеруіне және шығармашылық әлеуетін дамытуына үлкен мүмкіндік береді.