1 маусым – Халықаралық балаларды қорғау күні мерекесінде «Жарқын әлем – жарқын болашақ» профильдік лагері өз жұмысын бастады. Лагерьдің ашылу салтанаты мерекелік көңіл-күйде өтіп, балаларды қызықты оқиғалар мен жаңа достыққа толы жазғы демалысқа шақырды.

Іс-шара барысында қатысушылар бір-бірімен танысып, түрлі танымдық және көңілді ойындарға қатысты. Балалар өздерінің белсенділігін, тапқырлығын және шығармашылық қабілеттерін көрсетіп, қызықты тапсырмаларды орындады. Мерекелік бағдарлама ән мен биге ұласып, көтеріңкі көңіл-күй сыйлады.

Лагерь жетекшілері балаларды алдағы жоспарлармен таныстырып, жаз мезгілінде өткізілетін тәрбиелік, спорттық және шығармашылық бағыттағы іс-шаралар туралы ақпарат берді. Ашылу салтанаты достық пен ынтымақтастық атмосферасында өтіп, қатысушыларға жарқын әсер қалдырды. Бұл күн лагерь өмірінің қызықты әрі мазмұнды бастамасына айналды.