2022 жылдың қазан айының 14-і күні қалалық білім бөлімінің жоспары бойынша «Балақай» бөбекжайында қалалық семинар өтті.
2022 жылдың қазан айының 14-і күні қалалық білім бөлімінің жоспары бойынша «Балақай» бөбекжайында қалалық семинар өтті. Осы семинар аясында мектепалды даярлық топтарының тәрбиешілері мемлекеттік білім стандартына енгізілген өзгерістер бойынша іс-шаралар ұйымдастырды.
Ұйымдастырылған іс-әрекет барысында тәрбиешілер түрлі әдіс-тәсілдерді қолданды.
Тәрбиеші Мұхаметжанова Нұргүл Тұрсынқызы ұйымдастырылған математика негіздері сабағын модельдеп музыкамен ұштастырды.
Тәрбиеші Көрпешова Мөлдір Қажымұратқызы өз тобының көркем әдебиеттен ұйымдастырылған іс-әрекетін қазақ тілі, модельдеу, дене шынықтыру пәндерімен ұштастырды.
Тәрбиеші Мажитова Гүлім Мұратқызы ойын түрінде сыртқы әлеммен танысу мақсатында ұйымдастырылған іс-шараны жүргізіп, модельдеумен біріктірді.
Семинар қонақтары ұйымдастырылған шараға оң баға берді.
