«Болашаққа бастар жол: мамандық таңдау» білім беру көрмесін ұйымдастыруға белсенді ат салысты.
Дата: 2024-12-14 10:45:40
Мектеп-лицейішілік «Еңбегі адал жас өрен» жобасы аясында 10 «А» сыныбының оқушыларынан құрылған еріктілер тобы 2024 жылдың 28 қарашасында "Ағыбай батыр атындағы оқушылар сарайы" КМҚК-де өткен USTAZ Ulytau педагогикалық трансформациялау орталығының ұйымдастыруымен 9, 10, 11 сыныптар оқушыларына арналған «Болашаққа бастар жол: мамандық таңдау» білім беру көрмесін ұйымдастыруға белсенді ат салысты. Еріктілер тобы өзге қалалардан келген қонақтарға барынша қолғабыс көрсетіп, қаламыздың білім беру ұйымдарынан келген оқушыларға көрмемен танысуда бағыт-бағдар берді.
Қоғамдық іс-шараларға белсенді араласу оқушылардың ХХІ ғасырдың жастарына қажетті ұйымдастырушылық, көшбасшылық, коммуникативтік және т.б. дағдыларды дамытуға септігін тигізеді.
Еріктілер тобының белсенді әрекеттеріне риза болған ұйымдастырушылар оқушыларымызды «The Ulytau Educational Foundation қайырымдылық қоры» атты қоғамдық қорының басшысының алғыс хатымен марапаттады.
