19 мамыр күні А.Мусин атындағы Балқаш гуманитарлық-техникалық колледжінде 9 сынып оқушылары шақырылған ашық есік күні өтті.

19 мамыр күні А.Мусин атындағы Балқаш гуманитарлық-техникалық колледжінде 9 сынып оқушылары шақырылған ашық есік күні өтті. Оқушылар студенттердің шығармашылық жұмыстарының көрмесін тамашалап, колледж туралы ақпараты бар буклеттер алды.

Оқушылар алдында колледж директоры Е.М.Смагулов сөз сөйлеп, колледж тарихы, оның оқытушылары мен студенттердің жетістіктері туралы айтып берді. Содан кейін концерттік бағдарламаның жүргізуші студенттері сахнаға шықты. Әр факультет өз нөмірін ұсынды. Бағдарламада көрермендердің қошеметіне бөленген әндер, билер болды.