Қарағанды облысының оқу әдістемелік орталығы ұйымдастырған «ZOOM» платформасында өткен «Мектепке дейінгі ұйымдардағы қашықтықтан білім берудің ерекшеліктері» тақырыбында өткен воркшоп
Қарағанды облысының оқу әдістемелік орталығы ұйымдастырған «ZOOM» платформасында өткен «Мектепке дейінгі ұйымдардағы қашықтықтан білім берудің ерекшеліктері» тақырыбында өткен воркшоп
Қазіргі жағдайда үздіксіз білім беру еліміздің білімінің тереңдігімен өлшенеді. Білімді, жан-жақты қабілетті ұрпақ-ұлтымыздың баға жетпес қазынасы. Осыған орай, Қарағанды облысының оқу әдістемелік орталығы ұйымдастырған «ZOOM» платформасында өткен «Мектепке дейінгі ұйымдардағы қашықтықтан білім берудің ерекшеліктері» тақырыбында воркшоп марафоны өтті. 2020 жылдың 15 қазанында Балқаш қаласынан «Ер Төстік» балабақшасында бірнеше жыл коррекция топтарымен жұмыс жасап жүрген психолог маманы Муталиева Раушан Сапаровна «Қашықтықтан оқыту үрдісінде ата – аналармен ойын - жаттығулар жұмысын ұйымдастыру» жөнінде өз тәжірибесімен бөлісті. Ерекше форматта өткен воркшоп білім алмасу алаңы, тыңдаушылар үшін де, қатысқан педагогтар үшін де керемет әсерлі, білім жетілдіру жобасы болды. Қашықтықтан оқыту-уақыт сұранысы. Алғашында педагогтер де, ата-анада жатырқап, тосыннан келген жүйеге үйренісе алмай біраз қиналғанымыз анық. Бірақ «көш жүре түзелер»дегендей, қашықтықтан оқыту жүйесінде Раушан Сапаровна ата-аналармен жұмысын көрсетіп, балалармен бірге ат салысып, көгілдір экранда көңіл –күйлерімен бөлісе отыра үйде отырған мектепалды топтардың балалары, ата-аналарымен жұмыстарын көрсете білді.
