25 мамыр Соңғы қоңырауға арналған мерекелік іс-шара

Құрметті ұстаздар, қадірлі ата-аналар, ардақты оқушылар!

Сіздерді оқу жылының аяқталуын білдіретін ерекше мереке – Соңғы қоңырау күнімен шын жүректен құттықтаймын!

Бұл күн – мектеп қабырғасында алған білім мен тәрбиені саралап, жаңа белестерге қадам басатын айтулы сәт. Әсіресе, мектеп бітіруші түлектер үшін бүгінгі күннің орны ерекше. Мектептегі жылдар бойы жинаған білімдеріңіз бен өмірлік тәжірибелеріңіз алдағы сапарларыңызға берік негіз болсын.

Қымбатты түлектер! Алдарыңызда үлкен өмірдің жаңа кезеңі тұр. Әрқайсыңызға таңдаған бағыттарыңызда сәттілік, биік мақсат, табандылық және өз күштеріңізге деген сенім тілеймін. Қай жерде жүрсеңіздер де, туған мектебіңізді мақтан тұтып, елге пайдасы тиетін білімді де жауапты азамат болыңыздар!

Құрметті ұстаздар мен ата-аналар! Жас ұрпақтың білім алып, тұлға болып қалыптасуына қосқан еңбектеріңіз үшін сіздерге шынайы алғысымды білдіремін.

Соңғы қоңырау құтты болсын! Баршаңызға сәттілік, жаңа жетістіктер және жарқын болашақ тілеймін!