Ы.Алтынсарин атындағы жалпы білім беретін №25 орта мектебі бойынша 4.11-11.11.2015 жыл аралығындағы күзгі демалыс
Дата: 2015-11-12 10:00:27
ЖББ №25 орта мектебінде 4.11-11.11.2015 жыл аралығында 1-11 сынып оқушыларының бос уақытын ұйымдастыру, шығармашылық талаптарын дамыту, жалпы мәдениетті, салауатты өмір салтын насихаттау мақсатында іс-шаралар өткізілді.
4 - қараша «Спорт және Денсаулық күні» деп аталды. Спорт күнінде 5-9сыныптарарасында волейбол, кіші волейболжарыстары ұйымдастырылды. Іс-шараға ерекше белсен қатысып, жүлделі 1-орынға 8-сынып ұл балалары ие болды.
5 - қараша күні 2-4 сынып оқушылары қалалық мұражайға экскурсияға барды. Балалар мұражайда қызықты экспонаттар мен олардың тарихын біліп қайтты. Қалалық мұражайдан шыққан соң орталық алаңға барып, ойындар ойнады.
6 - қараша «Әуестенушілер мен шығармашылдар күні» болып белгіленді. Шығармашылдар күнінде мектебіміздің «Лего», «Шебер қолдар», «Мүсін» сияқты үйірмелерге қатысушы оқушылардың жұмыстары тамашаланды. Сондай-ақ бұл күні 2-4 сынып оқушылары « Еліміздің жүрегі – Астана » бекеттер бойынша қызықты ойын ұйымдастырылды. Балалар топтарға бөлініп бекеттерге саяхат жасады. Әр бекеттегі тапсырмаларды орындап, ұпайлар жинады. Барлығы 5 бекет болды.1-бекетте Отан , туған жер тақырыбында мақал-мәтелдер жарысы , 2- бекетте Астана тақырыбында сұрақтар қойылды , 3- бекетте Астана тақырыбында постер қорғады, 4- бекетте әр топ өз өнерін көрсетті , 5- бекетте мектеп спорт залында әр топ ұлттық ойындарын көрсетті,ойындарды ойнады.Соңынан барлық топ мектеп спорт залында флеш-моб биледі.
6-7 қараша күндері 8-9 сынып оқушылары қалалық «Өмірге шырайлы күлкімен қадам бас» атты КТК ойынына қатысты. Мектебіміздің «Мектеп балғындары» жайдарман тобы бұл сайыста ерекше белсенділік танытып, өз өнерлерін жоғары дәрежеде көрсетіп,жүлделі І орынға ие болды.
Күзгі демалыстың 9 - қарашасы «Бәрін таста, кітап оқуды баста» ұранымен басталды. Бұл күні оқушылар мектеп кітапханасына, кеніш кітапханасына саяхаттады. Балалар кітапханада тек қызықты кітап оқып қана қоймай , қызықты сұрақтар бекетінен өтті. Кітап күні мектебіміздің оқушыларына өте қатты ұнады.
10-қараша күні «Халықаралық жастар күні» мерекесіне арналды. 7-11 сынып оқушыларына арналған «Көңілді би кеші» ұйымдастырылды. Тақырыптық би кешінде оқушылар әр түрлі қызықты тапсырмалар орындай отыра, өздерінің би өнерлерін ортаға салды. Би кеші оқушылардың көңілінен шықты.
10-қараша күні мектебіміздің 10-сынып оқушысы Эржанат Д., Тәңірберген А., 8-сынып оқушысы Нұржанова А. қалалық «Мамандықтар әлеміне жол ашамыз» атты сайысқа қатысты. Сайыста Эржанат Динара «Игілікті болашақ» номинациясы бойынша І орынға, Нұржанова Айзат «Мамандықтың бәрі жақсы» номинациясы бойынша ІІІ орынға ие болды.
11-қараша күні «Жас ұлан күні» деп аталды.Бұл күні 5-6 сыныптар арасында «Мен елімнің ертеңімін» интеллектуалды сайыс өтті. Сайыс 4 кезеңнен тұрды. Әр кезеңде оқушылар еліміздің тарихы, еліміздің ғұламалары туралы білімдерін шыңдады. Сайысты қорытындылай келе І орынды 5Б сынып оқушысы Берікпай А., ІІ орынды 6А сынып оқушысы Төлеухан Ә., ІІІ орынды 5А сынып оқушысы Игембаева А. иеленді.
2015-2016 оқу жылының күзгі демалысына арналған іс-шаралар жоғары дәрежеде өтті. Әр ұйымдастырылған іс-шараға оқушылар белсене қатысты.
