«Менің отбасым-сыйластық, жарастық орнаған орта! » атты ата-аналарға психологиялық тренинг
Дата: 2020-11-06 09:40:43
Қараша айының 4-і күні мектеп психологы М.С. Үмбет «Менің отбасым-сыйластық, жарастық орнаған орта! » атты ата-аналарға психологиялық тренинг өткізді. Отбасы - Адам баласының алтын діңгегі. Өйткені адам ең алғаш шыр етіп дүниеге келген сәтінен бастап, ер жетіп, отбасының тәрбиесін алады. Сондықтан да отбасы - адамзаттың аса қажетті, әрі қасиетті алтын бесігі.Бала қанша білім мен тәрбие алып, балабақша табалдырығын аттағанымен, оның өмірінің көп бөлігі әке - шешесінің қасында өтеді екен. Ал сіздер ата - ана, өміріңізде үш рет балабақшаға, мектепке баратыныңызды әрқашан естен шығармаңыз. Бірінші рет - өзіңіз, екінші рет - балаңыз, ал үшінші рет - немереңіз барады екен. Ендеше бүгінгі тренингімізге қатысып отырған ата - аналарға әрдайым осы балаларыңыздың қорғаны болып, немере сүйіңіздер.Тренинг барысында ата-аналарға мынандай ситуациялық сұрақтар қойылды.
• Сізде үйде бала тәрбиесіне кім көбірек көңіл бөледі деп ойлайсыз?
• "Отбасы бақыты" дегенді қалай түсінесіз?
• Отбасыңызда болған балаңызға қатысты қызықты оқиғаны айтып берсеңіз?
• Сіз асығыс боп қонаққа жиналдыңыз, балаңыз болса ертегі оқып беруді өтінді, сіз не істейсіз?
• Үйде балаңызға қандай ертегілер оқып, айтып бересіз?
• Балаңыз сіздің ең қымбат затыңызды байқамай сындырып алды, сіздің әрекетіңіз?
• Қазіргі өмір талабына байланысты көптеген ата - аналар бала тәрбиесіне көңілдерін аз бөлуде. Мәселен, сіз таңертеңнен кешке дейін жұмыста болып, үйге шаршап барғаныңызда балаңыздың қойған сұрақтарына жауап беруге де шамаңыз келмеуі мүмкін. Осы тұрғыда не айтасыз?
Ата-аналар ситуациядан шығу жолдарымен бөлісіп,тренинг көңілді пікірталасқа ұласты.
![](https://scontent.fkgf1-2.fna.fbcdn.net/v/t1.0-9/123998300_859497034875185_4448771008662849530_n.jpg?_nc_cat=103&ccb=2&_nc_sid=8bfeb9&_nc_ohc=oAYPTwYpK_EAX9lAfGR&_nc_ht=scontent.fkgf1-2.fna&oh=a2e5eff7d71ac71375463b022a3b43ae&oe=5FC8C7EF)
![](https://scontent.fkgf1-1.fna.fbcdn.net/v/t1.0-9/123864048_859497074875181_3662094362742279384_n.jpg?_nc_cat=102&ccb=2&_nc_sid=8bfeb9&_nc_ohc=5VP3eztkH8MAX_yQq2X&_nc_ht=scontent.fkgf1-1.fna&oh=2e62d4b98959a6f927d6f644fe566ffa&oe=5FCAE30A)