"Мәдени Мұра"

2015 жылдың қыркүйек айының 5-ші жұлдызында Өнер мектебінің алаңында қазақ халқының ақыны Шашубай Қошқарбайұлына  150 жыл толуына орай қала әкімі А.М.Аглиулиннің қатысуымен салтанатты түрде ақынның ескерткіш бюсті ашылды.

Ашылу салтанатына қаламыздың құрметті азаматтары,жазушылар және Ш.Қошқарбайұлының немересі қатысты.

Қала әкімі А. М. Аглиулин қала тұрғындарын мерекелерімен құттықтап, ақынның шығармалары мәдени мұра болып қалатынын атап өтті. «Алаш» халықаралық сыйақының лауреаты жазушы Абзал Бөкен Шашубай секілді ақын 100 жылда дүниеге 1-рет келетін қайталанбас тұлға екеніне тоқтала кетті. Шашубай ақынның немересі Төлеуғазы осы шараны ұйымдастырушылырға  алғысын білдірді.