Басты бет

"Балқаш қаласы Абай атындағы №2 лицей"

КММ-нің сайтына қош келдіңіздер!

      Абай атындағы №2 лицей  1932 жылы құрылған. Лицей бастауыш, негізгі орта және жалпы орта білім берудің оқу бағдарламаларын  жүзеге  асырады. Жаратылыстану-математика профилі бағытында білім береді. Оқыту тілі - қазақ тілі. Бүгінгі таңда лицейде 916 оқушы білім алуда. Педагогикалық ұжымда - 87 мұғалім бар. Оның жоғары санаттысы 25, бірінші санаттысы 22, екінші санаттысы 20, санатсызы 23, сапалық құрам 52%-ды құрайды.

         Лицейде 28 оқу кабинеті, «Руханият» мұражайы, этномәдени орталық, Абай залы, 150 орынды акт залы, спорт залы, 130 орынды асхана бар. Лицей кітапханасында   кітап қорында 39680 дана кітап бар, оның  22259 данасы оқулық, 838 данасы әдістемеліктер, 16583 данасы  көркем әдебиеттер. 2015 жылдан «Bilimal» электронды мектебінде және 2017 жылдан «Bilimland» порталында жұмыс жүргізіліп келеді. Лицейде 2 компьютерлік сынып бар. Жалпы компьютерлер саны - 89, жаңа модификацияланған кабинеттер - 5 (химия, физика, биология, информатика, орыс тілі және әдебиеті), LCD подиум - 2, ПИК – 5. Интернет желісі  және WI-FI желісі орнатылған.

     Лицейімізде оқушылардың қызығушылығына байланысты сыныптан тыс уақытта жүргізілетін үйірмелер: вокал, дебат, жас құтқарушы, экономика және қаржы сауаттылығы, физика қоғамдық ортада, компютерлік сауаттылық, робототехника, болашақ инженерлері, шахмат, тоғызқұмалақ, волейбол, баскетбол, логика, т.б. үйірмелер жұмыс жасайды. 

    2011 жылы лицей жанынан «Нұрбөбек» мектепке дейінгі шағын орталығы ашылған. Орталықта 3-5 жас арасындағы  69 бүлдіршін тәрбиеленуде.