Ата -аналармен жұмыс

Қазақстан Республикасы Президенті Н.Ә.Назарбаевтың 2018 жылғы 10 қаңтарда жарияланған «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауы жалпы білім беретін №16 лингвистикалық бағыттағы орта мектебі ұжымының ата-аналарымен талданды. Тарих пәнінің мұғалімі С.И.Калкенов «Бүгінде әлем төртінші өнеркәсіптік революция дәуіріне, технологиялық, экономикалық, және әлеуметтік салалардағы терең және қарқынды өзгерістер кезеңіне қадам басып келеді» деген Елбасының сөзін келтіре отырып, ол үшін алға қойған 10 Міндетті шешу керек екенін көрсетті. Әр міндетке жеке тоқталды.

 Мектеп директоры Ү.А.Сартаева  «Президентіміздің жыл сайынғы Жолдауы ең алдымен біздің мемлекеттің қарыштап дамуының бағдарын айқындаса, екіншіден, межеленген міндеттерді саралуға, ой елегінен өткізуге мүмкіндік береді. Біз жыл сайынғы Елбасы жолдауын үмітпен күтуге дағдыландық. Жаңа мақсаттар мен міндеттердің, жаңа мүмкіндіктерге жол ашатын жолдау халықтың болашаққа деген сенімін нығайтары сөзсіз» - деді.

 

 

 

12.05.17. күні сағат 18.30. да жалпы білім беретін №16 лингвистикалық бағыттағы  орта мектепте жалпыұлттық  ата – аналар жиналысы өтті. Жиналыстың күн тәртібінде:

- мектептегі қамқоршылық кеңесінің жұмысы;

- қорытынды аттестаттау мен ҰБТ өткізілуі;

- мектеп бітіру іс-шаралары

- әр түрлі сұрақтар қарастырылды.

Жиналысқа 1-11 сынып оқушыларының ата-аналары, ұстаздар   жалпы саны  124  адам  қатысты.  Жиналыс    3 деңгейге  бөлініп өткізілді.

І – 1-4 сыныптар;

ІІ – 5-8 сынып;

ІІІ- 9-11 сынып