"Рухани жаңғыру" бағдарламасы аясында атқарылған іс-шаралар

"Рухани жаңғыру" бағдарламасы аясында атқарылған іс-шаралар

 

«Елбасы туралы 1000 сұрақ» қалалық брейн-ринг сайысы өтті

«Елбасы туралы 1000 сұрақ» қалалық брейн-ринг сайысы өтті

27 қараша күні мектебімізде Тұңғыш Президент күніне арналған «Елбасы туралы 1000 сұрақ» интеллектуалды брейн-ринг сайысы өткізілді.

Оған қазақ тілінде білім беретін барлық қала мектептерінен 3 адамнан құралған топтар қатысты.

Өскелең ұрпақтың бойында патриоттық сезімді және белсенді азаматтық ұстанымды тәрбиелеу мақсатында өткізілген бұл сайыс 5 кезеңді қамтыды. Қатысушылар Елбасының балалық және жастық шағы, халықаралық аренадағы рөлі мен жоғарғы дәрежедегі кездесулері туралы танымдық сұрақтарға жауап берді. Сонымен қатар, сайыскерлер «Елбасы кітаптары - ел мұраты» бөлімінде Елбасының кітаптары мен еңбектері туралы, ал «Астана - Елбасының төл перзенті» бөлімінде Астана қаласының архитектурасы туралы сұрақтарға жауап беруде ерекше танымдық қабілеттерін ортаға салды.

Елбасының Қазақстан халқына арналған жыл сайынғы жолдаулары туралы сұрақтар «Елбасы жолдаулары - болашаққа жарқын жол» бөлімінде қамтылды.

Сайысқа қазылық еткен әділқазылар алқасының мүшелері қалалық мұражайдың аға ғылыми қызметкері Д.А.Қожақов, «Қазақмыс» корпорациясы политехникалық колледжінің тарих пәні мұғалімі Г.К.Шайжанова, Балқаш медициналық колледжінің тарих пәні мұғалімі Ж.А.Жорабаева сайыс қорытындысы бойынша жүлделі орындарды анықтады. Қорытындысында жүлделі І орынмен №16 лингвистикалық бағыттағы орта мектебінің, ІІ орынмен Әлихан Бөкейханов атындағы №15 мектеп – лицейінің, №8 орта мектебінің топтары марапатталды. Ерекше білімпаздықтарымен көзге түскен бірнеше оқушылар да марапатқа ие болды.

 

 

 

«АҚТҚ-ның жұғу жолдары» туралы ақпарат

«АҚТҚ-ның жұғу жолдары» туралы ақпарат

Жалпы білім беретін №16 лингвистикалық бағыттағы орта мектебінде 1 желтоқсан – АҚТҚ  күніне орай  қалалық СПИД  орталығының маманы Б.Т.Жанбатырованың қатысуымен кездесу өтті. Кездесуде «АҚТҚ-ның жұғу жолдары» туралы ақпарат берілді. Оқушылар тарапынан  қойылған сұрақтарға жауаптар алынды.

 

 

Елбасымыздың «Рухани жаңғыру» мақаласы және Қазақстан Республикасының Президенті күніне орай ұйымдастырылған «Ұланымыз ұлы елдің» атты ту ұстаушылар байқауының қорытынды ақпары

Елбасымыздың «Рухани жаңғыру» мақаласы және Қазақстан Республикасының Президенті күніне орай ұйымдастырылған «Ұланымыз ұлы елдің» атты ту ұстаушылар байқауының қорытынды ақпары

Қазақстан Республикасының Президенті күніне орай жас бүлдіршіндерді отансүйгіштік рухта, болашақта өз елінің нағыз қорғаушысы болуға және айбынды, мейірімді, адамгершілігі жоғары болуға тәрбиелеу мақсатында «Ұланымыз ұлы Елдің» атты 8-9 сынып жас ұландарының ту ұстау байқауы ұйымдастырылды. Байқау барысы  баяндама беру, саптық байқау, туды иілдіру кезеңдерден тұрды.

Мектеп ұланбасы АӘД мұғаліміне  сайысқа қатысушылардың дайындығы жөнінде баяндайды. Сайыстың ашылғандығы жайлы салтанатты түрде хабарланды. Сайыс белгіленген бағдарлама бойынша жүргізілді.

Байқау қорытындысы төмендегідей бағаланды:

1. Баяндама беру бойынша:

 - топ жетекшісінің пәрмен бере білу өнері

2. Саптық байқау бойынша:

- топ мүшелерінің бірдей киінуі

- сапта қадам басу өнері  

- сапта түзелу, қатардан қатарға дұрыс тұру, сапта жүруді топ мүшелерінің орындау біркелкілігі  

3. Ту ұстаушы топтардың бұйрық орындаулары:

- туды иілдіру (30секунд)

- штандартқа сай жалауды көрсету

- ту ұстаушы топтардың ауысым кезеңі.

Байқау қорытындысы бойынша бас жүлде 8Б сыныбы, І орын 8Д сыныбы, ІІ орынмен 8В сыныбы, ІІІ орынмен 9А және 9Д сыныбы мадақталды.