«Ұлттық теңге-кемел болашақтың кепілі»
Тәуелсіз еліміздің ең бірінші айрықша белгісі теңгемен тереңірек таныстыру мақсатында «Ұлттық теңге-кемел болашақтың кепілі »атты ақпараттық сағат өтті. Оқушыларға кітапханашы Мағира апай теңгенің шығу тарихы және өмірге қажеттілігі туралы толық ақпар берді. Осы орайда, шағын теңге туралы ведео көрсетіліп,кітап көрмесі ұйымдастырылды.Оқушылар теңге құндылығын ұғынып және өз ойларын жеткізе білді.Ең алғашқы ұлттық валютамыз - қазақ теңгесі 1993 жылы шығарылды. Банкноталар Англияның "De La Rue" фабрикасында басылған болатын. Қазақ валютасын өмірге келтірген суретшілер Тимур Сүлейменов, Меңдібай Алин, Ағымсалы Дүзелханов, Қайролла Әбжәлеловтер Англияда жүріп, банкноталарды жасауға біршама тер төкті. Теңгенің беттеріне еліміздің мәдени, саяси өміріне еңбек етіп,өшпес із қалдырған тариxи тұлғалардың бейнесі басылса, сырт тұсына кең байтақ жеріміздің сұлу табиғаты мен тариxи сәулет нысандары енді. Теңге заңды төлем құралы ғана емес, асыл қазынамыз, халық байлығы. Бүгінде қанаты қатайған, бұғанасы бекіген Казақстан мемлекетінің ұрпақтары барлық ұлттық құндылықтарын, оның ішінде төл теңгесін мақтан етеді. Алдағы уақытта да теңгеміздің мерейі үстем болып, құнын жоғалтпай, халық игілігіне жарай берсін.
Балқаш қаласы,
С.Сейфуллин атындағы
№7мектеп-гимназиясы КММ
кітапхана меңгерушісі:
Байжұманова.С.Т
